«Los Anželes Leýkersiň» hüjümçisi Lebron Jeýms gol salmak boýunça NBA-nyň rekordyny goýdy. Karim Abdul-Jabbaryň öňki üstünligi 38 ýyldan gowrak wagt dowam etdi.
“Los Anželes Leýkers” NBA-nyň adaty möwsüm oýnunda “Oklahoma City Tander-den 130:133 hasabynda utuldy. Şeýle-de bolsa, bu oýunda “Leýkers”-iň hüjümçisi Lebron Jeýms 1984-nji ýyldaky gol rekordyny täzeledi.
Lebron Jeýms 38 utuk toplady, indi onuň çotunda 38 390 utuk bar. Bu 1984-nji ýylda karýerasyny tamamlan Karim Abdul-Jabbaryňkydan üç utuk köpdür. Lebron Jeýms 1984-nji ýylyň dekabrynda, Karim Adbul-Jabbar çykyşyny gutarandan soň, dünýä indi.
Lebron üstünligini oýnuň üçünji çärýeginde gazandy. Duşuşygyň arasy kesildi, şondan soň alyp baryjy rekordy yglan etdi. Duşuşyga gatnaşan 75 ýaşly Abdul-Jabbar Jeýmsi taryhy üstünligi bilen gutlady.
Abdul-Jabbar 1 560 oýunda 38 897 utuk toplapdy. Rekord goýmak üçin Jeýmse 1 410 duşuşyk gerek boldy. Karim NBA-nyň 6 gezek çempiony bolupdy. Lebronyň 4 çempion tituly bar, ýöne ol iki gezek Olimpiýa çempiony boldy.
