Bütindünýä boks assosiasiýasynyň (WBA Super), Bütindünýä boks guramasynyň (WBO) we Halkara boks federasiýasynyň (IBF) wersiýalaryna görä agyr agramda öňki dünýä çempiony britaniýaly Entoni Joşua 1-nji aprelde Londonda amerikaly Jermeýn Franklin bilen duşuşýandygyny habar berdi.
Öz Instagramynda Joşua söweşiň afişasyny ýerleşdirip, ony “Täze daň” ýazgysy bilen berkidipdir diýip, rsport.ria.ru belleýär.
Joşua 2022-nji ýylyň awgust aýynda geçen soňky söweşinde WBA Super-iň, WBO-nyň, IBF-niň we Halkara boks guramasynyň (IBO) dünýä çempiony titullaryny goran ukrainaly Aleksandr Usikden ýeňildi. Oktýabr aýynda Joşuanyň promouteri Eddi Hirn britaniýalynyň Bütindünýä boks geňeşiniň (WBC) wersiýasyna görä dünýä çempiony Taýson Fýuri bilen meýilleşdirilen söweşiniň bolmajakdygyny tassyklady.
Professional karýerasynyň dowamynda 33 ýaşly Joşua 24 ýeňiş gazanyp (22-si nokaut bilen), üç gezek ýeňlişe sezewar boldy. Noýabr aýynda 29 ýaşly Franklin britaniýaly Dilian Uaýtdan ýeňlip, professional ringde ilkinji ýeňlişine sezewar boldy. Onuň hasabynda 21 ýeňiş (14-üsi nokaut bilen) bar.
