Garyşyk stiliň (MMA) russiýaly söweşijisi Fýodor Ýemelýanenko agyr agramda Bellator-yň çempiony Raýan Beýderden ýeňlip, soňky söweşinde amerikalydan liganyň guşagyny alyp bilmedi. Tutluşyk promouşeniň Los-Anjelesde geçirilen 290-njy belgili turniriniň esasy wakasy bolup, ilkinji raundda ABŞ-nyň wekiliniň tehniki nokaut arkaly ýeňiş gazanmagy bilen tamamlandy.
Bu türgenleriň ikinji duşuşygy boldy: 2019-njy ýylyň başynda Beýder Ýemelýanenkony gapma-garşylygyň birinji minutynda nokauta gidirdi. Söweşiň öňüsyrasynda russiýaly söweşiji Beýder bilen ikinji söweşiň professional karýerasynda iň soňky boljakdygyny ençeme gezek aýtdy.
Ýemelýanenko 46 ýaşynda. Onuň hasabynda 40 ýeňiş bilen ýedi ýeňliş bar. 39 ýaşly Beýderiň hasabynda 31 ýeňiş bilen ýedi ýeňliş bar.
