WBA (Super), WBO we IBF wersiýalaryna görä, boks boýunça super agyr agramda dünýä çempiony ukrainaly Aleksandr Usik bilen WBC titulynyň eýesi britaniýaly Taýson Fýuriniň arasyndaky söweş 29-njy aprelde geçiriler. Bu barada britaniýalynyň promouteri Frank Uorren aýtdy diýip, sportrbc.ru belleýär.
“Söweş 100% 29-njy aprelde geçiriler. Geçiriljek ýeri geljek alty ýa-da ýedi günüň dowamynda belli bolar. Eger biz söweşi Saud Arabystanynda geçirip bilmesek, ol Beýik Britaniýada bolar” – diýip, Uorren belledi.
Ukrainaly geçen ýylyň awgust aýynda Jiddada (Saud Arabystany) geçirilen soňky söweşinde britaniýaly Entoni Joşuany eminleriň tapawutly karary bilen ýeňip, titullaryny gorady. Ýeňşinden soň Usik Fýurini söweşe çagyrdy. Fýuri ony kabul etse-de, başga boksçylar bilen gepleşikleri geçirip başlady. Netijede, ol Derek Çisora bilen söweşmek barada ylalaşdy. Söweş 3-nji dekabrda geçirilip, Fýuriniň ýeňiş gazanmagy bilen tamamlandy.
36 ýaşly Usikiň hasabynda 20 ýeňiş bolup, ýekeje-de ýeňliş ýokdur. 34 ýaşly Fýuriniň hasabynda 33 ýeňiş we bir deňme-deňlik bar.
