Türkmenistan benziniň iň arzan ýurtlarynyň ilkinji onlugyna girýär. GlobalPetrolPrices portaly tarapyndan düzülen awtomobil ýangyjynyň bahalarynyň dünýä reýtinginde ýurdumyz 8-nji orny eýeleýär. Türkmenistanda 1 litr benziniň bahasy 0,42 dollar (30-njy ýanwardaky maglumatlar).
Reýtingi düzüjiler 95-lik benziniň bahasyny hasaba alýarlar. Merkezi Aziýa sebitinde hem-de GDA çäklerinde iň arzan bahadan benzin Türkmenistanda satylýar.
Dünýäde iň arzan benzin Wenesuelada — 1 litri — 0,01 dollar. Ilkinji üçlüge şeýle hem Liwiýa we Eýran girýär — degişlilikde, 0,03 dollar we 0,05 dollar.
Dünýäde iň gymmat benzin Gonkongda — 1 litri — 2,94 dollar. Bu ol ýerde ýaşaýşyň gymmat bolmagy bilen bagly (bu ýerde ortaça aýlyk haky 2200 dollar).
Islandiýada bir litr benziniň bahasy 2,28 dollar, Norwegiýada — 2,26 dollar.
Dünýä boýunça benziniň 1 litriniň ortaça bahasy 1,31 dollar.
