Türkiýe syýahatçylyk pudagyndan gazanan girdejisi boýunça täze rekord goýdy. Girdeji 2022-nji ýylyň jemi boýunça 46 mlrd dollardan gowrak bolup, bu bir ýyl ozalky görkezijiden 53,4% köpdür diýip, Türkiýäniň Statistika institutynyň (TUIK) maglumatlaryna salgylanyp, “Hurriyet” gazeti habar berýär. Muny tourism.interfax.ru ýetirýär.
“2022-nji ýylda syýahatçylykdan gazanylan girdeji geçen ýyl bilen deňeşdirilende 53,4% ýokarlanyp, 46,28 mlrd dollara ýetdi. Türkiýede syýahatçylaryň şahsy çykdajylary 34,47 mlrd dollar, syýahatçylyk bukjalarynyň çäginde edilen çykdajylar 11,8 mlrd dollardan gowrak boldy” – diýip, neşir ýazýar.
Statistika laýyklykda, 2022-nji ýylyň dördünji çärýeginde syýahatçylykdan gelen girdeji geçen ýylyň degişli döwri bilen deňeşdirilende 22,2% ýokarlanyp, 11,37 mlrd dollar boldy. Girdejileriň 15%-den gowragy daşary ýurtly syýahatçylardan alyndy.
2022-nji ýylyň dördünji çärýeginde syýahatçylaryň şahsy çykdajylary 8,27 mlrd dollar, syýahatçylyk bukjalarynyň çägindäki çykdajylar tas 4 mlrd dollar boldy.
Ýurduň Medeniýet we syýahatçylyk ministri Mehmet Nuri Ersoýyň belleýşi ýaly, 2023-nji ýylda Türkiýe 60 mln syýahatçyny kabul etmegi we 56 mlrd dollar möçberinde girdeji almagy meýilleşdiýär. 2028-nji ýylda ýurt syýahatçylyk akymynyň 90 mln, girdejiniň 100 mlrd dollar bolmagyna garaşýar.
2022-nji ýylda Türkiýä 44 mln-dan gowrak daşary ýurtly syýahatçy bardy.
