«Çelsi» Premýer-liganyň taryhynda iň gymmat transferi amala aşyrdy

  • 01.02.2023 23:04
  • 20k+

Lissabonyň  «Benfikasynyň» we Argentinanyň milli ýygyndysynyň ýarym goragçysy Enso Fernandes resmi taýdan Londonyň «Çelsi» toparynyň futbolçysy boldy.  Bu barada Portugaliýanyň Gymmatly kagyzlar bazary boýunça komissiýasynyň saýtynda  habar berildi.

Transferiň bahasy 121 million ýewro boldy, bu Angliýanyň Premýer-ligasynyň (APL) taryhynda rekord şertnamadyr. Oýunçy 2031-nji ýylyň tomsuna çenli şertnama baglaşdy.
Ondan öň bu rekord «Aston Willadan» iňlis ýarym goragçysy Jek Grilişi  113 million ýewro satyn alan «Mançester Sitä» degişlidi.
Habar beriş serişdeleri ozal «Çelsiniň» portugal kluby bilen alty töleg arkaly hasaplaşmak isleýändigini habar beripdiler.
Katarda geçirilen soňky — 2022-nji ýyldaky dünýä çempionatynda Enso Fernandes milli ýygyndy toparyň düzüminde çempionlyk adyna eýe boldy we turniriň iň gowy ýaş oýunçysynyň baýragyny aldy.
Üstümizdäki möwsümde ýarym goragçy Portugaliýanyň çempionatynda 17 oýunda çykyş edip, bir gezek gol saldy we 5 gezek netijeli pas berdi.


düýn 19:46
3.7k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
7.5k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:17
4.9k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
11k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...