ÄlemTV teleýaýlym operatory «Aşgabat» söwda-dynç alyş merkezinde söwda nokadyny açdy. Söwda nokadynda müşderiler ÄlemTV kartlaryny satyn alyp, şeýle hem özlerini gyzyklandyrýan sowallar bilen hünärmenlere ýüz tutup bilerler.
ÄlemTV telewideniýesi — Türkmenistanyň ilkinji «TürkmenÄlem 52°E» aragatnaşyk emeli hemrasyndan alyp görkezişi amala aşyrýan, onlaýn we hemra telewideniýesi boýunça ygtybarly hyzmatlary hödürleýän ilkinji hem ýeke-täk resmi operatordyr.
ÄlemTV telewideniýesi ulanyjylara hemra telewideniýesi we IPTV görnüşinde elýeterlidir.
ÄlemTV hemra telewideniýesi dünýäniň —Ýewropanyň, Aziýanyň, şol sanda Russiýanyň, Türkiýäniň, Özbegistanyň we Hindistanyň iň ýörgünli teleýaýlymlaryny bir ýerde jemledi. Bu hyzmaty birikdirmek bilen müşderiler birnäçe goşmaça hemra ulgamlaryny oturtmak zerurlygyndan dynarlar.
Hyzmat tölegli bolup, iki bukjada — «SADA» we «VIP» görnüşde hödürlenilýär. Bir aýlyk tölegi: SADA bukja — 40 manat; VIP bukja — 50 manat.
VIP bukjanyň tapawudy, onda SADA bukjadaky 126 teleýaýlymyň üstüne goşmaça 9 sany teleýaýlym goşulýar.
Älem TV IPTV hyzmaty «AŞTU-nyň» hem-de «Türkmentelekomyň» müşderileri üçin elýeterlidir. IPTV-de 200 sany teleýaýlym bolup, ony Android ulgamly smartfonlara, IPTV TVBOX enjamlaryna we telewizorlara birikdirip bolýar.
«Älem TV» IPTV hyzmatyny islendik adam özbaşdak hem, degişli aragatnaşyk operatoryna — «AŞTU» ýa-da «Türkmentelekoma» ýüz tutmak arkaly hem birikdirip bolar.
Hyzmaty özbaşdak birikdirmek üçin Android ulgamly telewizorlarda ýa-da IPTV TVBOX enjamlaryna Google Play Market-den «Älem TV» goşundysyny ýükläp almaly we degişli aragatnaşyk operatoryny görkezmeli. Tölegi degişli aragatnaşyk operatorynyñ nokadyna baryp geçirmeli.
Hyzmaty birikdirmek we goşmaça soraglar üçin telefon belgiler:
Aşgabat şäheri: +993 12 75-37-47; +993 65 01-99-98
Balkan welaýaty: +993 65 84-33-11
Mary welaýaty: +993 61 55-80-42
Lebap welaýaty: +993 61 26-00-02
Daşoguz welaýaty: +993 65 25-22-07
Tehniki soraglar boýunça jaň edip bilersiňiz:
+(993) 65 31-78-87
+(993) 61 85-94-99
