Ýedi gezek dünýä çempiony bolan Mihael Şumaheriň «Formula-1-däki» ilkinji ulagy Bonhams auksion öýi tarapyndan satlyga çykaryldy. 556 belgili lot auksionyň resmi saýtynda görkezilýär diýip, sovsport.ru habar berýär.
Mihael Şumaheriň 1991-nji ýylda Belgiýanyň Gran-prisindäki ilkinji çykyşy Jordan-Ford 191 (şassi 191/6) ulagynda boldy. Şonda germaniýaly sürüji şeýle klasdaky ulagyň başyna ilkinji gezek geçmek bilen, sekizinji wagty görkezip, topardaşy Andrea de Çezarisden öňe geçdi.
Ulag iş ýagdaýynda, ol Karun Çandhokyň we Mihael Şumaheriň ogly Mikiň dolandyrmagynda SkySports teleýaýlymy üçin Silwerstounyň ýolunda surata düşürmeler üçin ulanyldy.
Lotuň gapdalynda “Jordanyň” inženeri Trewor Fosteriň ulagyň taryhy barada gürrüň berýän hatynyň nusgasy bar.
Fosteriň sözlerine görä, sessiýanyň başynda Mihael de Çezarisden has çaltdy, şonda Çezaris ätiýaçdaky ulagy (şassi 04) ulanmagy sorady. Mihaeliň ulagynyň sowadyş ulgamynda bolsa syzma boldy.
“Bu hereketlendirijini aýyrmagy talap etdi. Andrea ätiýaçdaky ulagda galdy, Mihaele bolsa biz Andreanyň ulagyny (şassi 06) berdik, bu ulag bilen ol sekizinji wagty görkezip, Andreadan öňe geçdi” – diýlip, hatda bellenilýär.
