Absolýut söweş çempionatynyň (UFC) orta agramda braziliýaly çempiony Aleks Pereýra bilen MMA-nyň täze zelandiýaly söweşijisi Israel Adesanýa titul rewanş söweşini geçirer. Bu barada promouşeniň resmi saýtyna salgylanyp, rsport.ria.ru habar berýär.
Söweş 8-nji aprelde geçiriler. Ol UFC 287 turniriniň esasy söweşi bolar. Söweşiň geçiriljek ýeri heniz mälim däl.
Geçen ýylyň noýabr aýynda Adesanýa Pereýradan ýeňlip, orta agramda UFC-niň çempiony titulyny altynjy gezekde gorap bilmedi. Täze zelandiýaly söweşiji MMA-da geçiren 25 professional söweşinde ikinji gezek ýeňlişe sezewar boldy. Pereýra sekiz söweşde ýedi ýeňiş gazandy. Noýabrdaky söweşden öň türgenler kikboksing düzgünlerine laýyklykda iki gezek söweşdiler. Iki gezekde-de braziliýaly söweşiji ýeňiş gazandy (utuk we nokaut bilen).
