Russiýaly Artur Beterbiýew 79.38 kilograma çenli agram derejesinde professional boksçularyň arasynda dünýä çempionynyň üç sany titulyny gorady. Ol şu gün Londonda «Uembli» stadionynda geçirilen 12 raundly tutluşygyň sekizinji raundynda tehniki nokaut bilen britaniýaly Entoni Ýardy ýeňdi.
Beterbiýew Bütindünýä boks geňeşiniň (WBC), Halkara boks federasiýasynyň (IBF) we Bütindünýä boks guramasynyň (WBO) dünýä çempiony titullaryny gorady.
38 ýaşly Beterbiýewiň rekordynda ýeke ýeňlişsiz 19 sany ýeňiş (19 nokaut bilen) bar. Ol ähli agram kategoriýalarynda 100% mukdarda ýeňiş gazanan professional boks boýunça ýeke-täk dünýä çempionydyr. Russiýaly türgen ýedinji gezek IBF-iň wersiýasy boýunça dünýä titulyny, üçünji gezek WBC-iň guşagyny we ilkinji gezek bolsa WBO-ny gorady.
31 ýaşly Ýard 23 ýeňiş bilen üçünji ýeňlişe sezewar boldy (22 nokaut bilen). Ol ikinji gezek dünýä çempiony bolup bilmedi.
