Absolýut söweş çempionatynyň (UFC) ýarym ýeňil agramda öňki çempiony braziliýaly Žoze Aldo amerikan promouşeniniň Şöhratlar zalyna girizildi. Bu barada Rio-de-Žaneýroda geçirilen UFC 283 turnirinde yglan edildi diýip, RIA Nowosti habar berýär.
Sentýabr aýynda Aldo guramanyň ýolbaşçylygyna MMA-dan gidýändigi barada duýdurdy, öz güýjüni boksda synap görmek isleýän türgen şertnamadan boşadyldy (şertnama boýunça ýene bir söweş galypdy). Garyşyk başa-baş söweşde braziliýalynyň hasabynda 31 ýeňiş we sekiz ýeňliş bar.
