Ispaniýanyň futbol boýunça Superkubogy ugrundaky final duşuşygynda «Barselona» 3:1 hasabynda «Realdan» üstün çykdy. Duşuşyk ýekşenbe güni Saud Arabystanynyň Er-Riýad şäherinde «Patyşa Fahd» adyndaky Halkara stadionynda geçirildi.
Duşuşykda «Barselonadan» gollary Gawi (33-nji minut), Lewandowski (45) we Pedri (69), «Realdan» Benzema (90+3) geçirdi.
Bu ýaryş 1982-nji ýyldan bäri geçirilýär, onda ýurduň çempionatynyň we kubogynyň ýeňijileri duşuşýardy. 2019/20 möwsümden başlap Ispaniýanyň Superkubok ýaryşy dört klubuň gatnaşmagynda mini-ýaryş görnüşinde geçirilýär. Bu gezek ýaryşa «Real» (geçen çempionatynyň ýeňijisi), «Walensiýa» (kubogyň finalçysy), «Barselona» (geçen çempionatynyň kümüş medalçysy) we «Betis» (kubogyň eýesi) gatnaşdy.
"Barselona" 14-nji gezek Ispaniýanyň Superkubogyny aldy, bu rekord görkeziji. Ikinji ýerde durýan «Real» 12 gezek bu kubogy gazandy.
