UFC-niň agyr diwizionda kamerunly çempiony Frensis Ngannu promouşeni terk etdi we onuň bilen şertnamasynyň möhletini uzaltmakdan boýun gaçyrdy. Şu sebäpli ol çempion adyny we guramanyň guşagyny ýitirdi.
Bu barada UFC-niň prezidenti Dana Uaýt aýtdy diýip, c-sport.info habar berýär. Ol Ngannuwa gowy şertnamanyň hödürlenendigini belledi. Eger ol şertnamany uzaltmaga razy bolan bolsa, söweşiji agyr agramly söweşijileriň arasynda zähmet hakynyň derejesi boýunça rekord goýardy.
Indi agram kategoriýasyna garamazdan MMA-nyň söweşijileriniň arasynda altynjy orny eýeleýän 36 ýaşly Ngannu erkin agent boldy. Onuň UFC-den daşary karýerasynyň nähili dowam etjekdigi heniz belli däl.
UFC-ä Frensis ilkinji gezek 2015-nji ýylda geldi, geçiren 14 söweşiniň diňe 2-sinde ýeňlişe sezewar boldy.
Soňky döwür UFC garyşyk başa-baş söweş sungaty pudagynda abraýly guramadygyna garamazdan, eýýäm birnäçe meşhur söweşijisini ýitirdi. Ýaňy-ýakynda guramanyň Şöhratlar zalyna girýän russiýaly Habib Nurmagomedowyň hem MMA-dan doly gitmek we türgenleşik geçmegi bes etmek kararyna gelendigi belli boldy.
