“PSŽ-niň” hüjümçisi Kilian Mbappe L’Equipe tarapyndan Fransiýada ýylyň türgeni saýlandy. Fransiýanyň milli ýygyndysynyň hüjümçisi ses berişlikde 832 bal gazandy. Ikinji orny “Realyň” hüjümçisi Karim Benzema eýeledi (484 bal). Bu barada championat.com habar berýär.
Sanawyň doly görnüşi şeýle:
- Kilian Mbappe (futbol, 832 bal);
- Karim Benzema (futbol, 484);
- Kenten Fiýon-Maýe (biatlon, 403);
- Antuan Dýupon (regbi, 389);
- Leon Marşan (suwda ýüzmek, 358);
- Kewin Maýer (ýeňil atletika, 169);
- Kleman Noel (dag lyžasy, 126);
- Giýom Sizeron (figuraly typmak, 75);
- Romen Kannon (gylyçlaşma, 52);
- Şarl Kodrelýe (ýelkenli sport, 50).
L’Equipe tarapyndan iň gowy türgene baýrak 1946-njy ýyldan bäri Fransiýa we 1975-nji ýyldan bäri tutuş dünýä üçin berilýär.
Reýting ses berişligiň netijesi esasynda kesgitlenýär. Dalaşgärleriň sanawyndan neşiriň her bir žurnalisti iň abraýly bäş türgenden öz sanawyny düzýär. Birinji orun üçin alty utuk, ikinji üçin dört, üçünji üçin üç, dördünji üçin iki, bäşinji üçin bir utuk berilýär.
2012-nji ýyldan bäri baýrak Fransiýanyň iň gowy türgenine we dünýädäki iň gowy türgene aýratynlykda berilýär.
