Fransiýanyň Futbol federasiýasy milli ýygyndynyň baş tälimçisi Didýe Deşam bilen şertnamasyny 2026-njy ýyla çenli uzaldýandygyny mälim etdi. Bu barada guramanyň resmi saýty habar berýär.
Deşam 2012-nji ýylyň iýun aýynda Fransiýanyň milli ýygyndysyna ýolbaşçy boldy. Fransiýanyň milli ýygyndysy Deşamyň ýolbaşçylygynda 139 oýunda 89 ýeňiş gazandy. Onuň ýolbaşçylygynda fransuzlar 2018-nji ýylda Russiýada geçen dünýä çempionatynda, 2021-nji ýylda geçen Milletler ligasynda ýeňiji boldular, Ýewro-2016-nyň we 2022-nji ýylda Katarda geçen dünýä çempionatynyň finalyna çykdylar. Indi Fransiýa FIFA-nyň reýtinginde üçünji orunda durýar we soňky bäş ýylda yzygiderli ýagdaýda ilkinji dörtlüge girip gelýär.
2022-nji ýylda Katardaky dünýä çempionatynyň finalynda Fransiýanyň ýygyndysynyň Argentinanyň milli ýygyndysyndan ýeňlendigini (3:3, penalti boýunça 2:4) ýatladýarys.
