Ispaniýanyň Marca neşiri sportuň oýun görnüşleriniň wekilleriniň arasynda kimiň iň çakgandygyny kesgitlemek we olaryň görkezijilerini 100 metre ylgamakda belli ýamaýkaly ýüwrük türgen Useýn Boltuň rekordy bilen deňeşdirmek üçin barlag geçirdi.
Neşir barlag geçirmek üçin her türgeniň bellige alnan aňrybaş tizligini esas edip almak bilen, sportuň birnäçe görnüşiniň wekilleriniň 100 metr aralyga ylgawyny modelirlemegi geçirdi. Modelirlemek üçin futbolçylar Kilian Mbappe («PSŽ») we Erling Holand («Mançester Siti»), basketbolçy Rassel Uestbruk («Los-Anželes Leýkers»), tennisçi Nowak Jokowiç, regbiçi Jona Lomu we amerikan futbolunyň oýunçysy Taýrik Hill («Maýami Dolfins») saýlanyp alyndy.
Modelirlemegiň netijesi boýunça 100 metre ylgamakda iň çakgan türgen, 11 sekunt netijesi bilen, Kilian Mbappe hasaplanýar diýip kesgitlendi. «PSŽ»-nyň futbolçysy Boltuň rekordyndan 1,02 sekunt yza galdy. Ikinji ýeri 11,01 netije bilen Lomu eýeledi. Erling Holand 11,06 netije bilen Jokowiçden we Hillden yza galdy, Uestbruk modelirlenen sprintiň iň çaman gatnaşyjysy bolup çykdy.
