40 ýylyň içinde birinji gezek Las-Wegasda boljak Formula-1 noýabr aýynda geçer. Autoevolution-nyň ýazmagyna görä, tribunadaky adaty orunlar üçin 500 dollarlyk petekler eýýäm satylyp gutarylypdyr. Şol bir wagtda ýerli gymmat myhmanhanalaryň eýeleri patyşalyk çapyşyklarynyň muşdaklary üçin aýratyn bukja tekliplerini taýýarladylar. Olaryň birini million dollar diýip bahaladylar.
Bu teklip alty adama hödürlener we oňa çapyşygyň peteginden başga-da dürli hyzmatlaryň tutuş toplumy hem girýär. Mysal üçin, bukjany satyn alanlara başdanaýak ýolbeletlik we ähli zerur transferleriň beriljekdigi, şeýle hem çapyşygyň iň ýapyk ýerlerine baryp görmek mümkinçiligi söz berilýär. Oňa diňe bir paddoklara baryp görmek hem däl, eýsem çäräniň açylyş dabarasyna we jemleýji agşamyna gatnaşmak hem girýär.
Million dollaryň içine ýene-de myhmanhananyň özüniň üç ýatyş otagly kaşaň iki gatly nomerinde dört gijelik bolmak hem girýär. Nomeri ikra we şampan bilen üpjün ederler. Galyberse-de, petegiň eýeleri myhmanhanalaryň bu torunyň ýapyk bonus maksatnamasynyň ömürlik agzasy bolarlar.
Las-Wegasda Formula-1-iň trassasy şäheriň esasy gözel ýerleriniň duşundan geçip, bolidler 340 km/sag bilen sürer ýaly ýokary tizlikli göni ýoly öz içine alýar. Çapyşygyň özi gije geçer.
