Hytaý 2045-nji ýyla çenli dünýäniň güýçli kosmiki döwletine öwrülmek niýeti bilen uzak älemi öwrenmek boýunça birgiden iri meýilnamalary taslady. Bu barada Global Times ýazýar.
Şeýle meýilnamalaryň hataryna — 2030-njy ýyla çenli Gün ulgamynyň çäginden daşardaky planetalary öwrenmek meýilnamasyny degişli etmek bolar. Missiýa "Sesleriň gözlegi" adyny aldy. Onuň esasy wezipesi - Gün ulgamyndan daşarda adamyň ýaşamagy üçin ýaramly planetanyň baryny-ýoguny anyklamak.
Indiki nesliň pilotirlenýän raketa göterijisini ilkinji gezek uçurmaklyk 2027-nji ýylyň meýilnamasyna girýär. Mundan hem başga 2028-nji ýyla çenli Halkara Aý barlag stansiýasynyň baza gurluşy gurulmaly.
Hytaý Aýdaky barlag stansiýasyna ýollanjak geljekki astronawtlar, kosmiki inženerler we alymlar, Ýerde edişleri ýaly, interneti sosial torlarda çykyşlaryny bermek üçin ulanyp biler umydy bilen, "Aý internetini" gurmagy göz öňünde tutýar.
Şeýle-de, ýurt Ýer bilen älem aralygynda az çykdajy, ýokary ygtybarlylyk we çeýelik bilen gatnajak köpgezeklik arş gämilerini dykgat bilen öwrenýär.
