«Mançester Ýunaýted» iňlis futbol klubunyň eýesi, amerikan telekeçileriniň maşgalasy Gleýzerler 2023-nji ýylyň birinji çärýeginde kluby satmak hakyndaky geleşigi tamamlamagy göz öňünde tutýar.
Bu barada The Athletic portaly habar berdi.
Çeşmäniň habar bermegine görä, kluby satmak meselesinde Gleýzerleriň maslahatçysy bolup çykyş edýän Raine Group amerikan banky geleşigi 6-7 mlrd funt sterling diýip bahalandyrýar. Neşiriň bellemegine görä, Gleýzerler kluby satmakdan, iňlis "Çelsisiniň" öňki eýesi Roman Abramowiçe garanda, has köp pul gazanmagy göz öňünde tutýarlar. Amerikan işewüri Todd Boeliniň konsorsiumy onuň üçin 4,25 mlrd funt töläpdi, geleşik maý aýynda ýapylypdy.
Iňlis klubuny satyn almaklyga birnäçe tarap gyzyklanma bildirdi, emma gepleşiklere potensial alyjylaryň sany birneme köpelende başlanylar.
