S7 Airlines rus we «Belawia» belarus awiakompaniýasy Moskwadan we Minskiden Türkmenbaşa halkara gatnawlarynda Türkmenistanyň raýatlaryndan COVID-19 üçin PZR barlagynyň netijesini talap etmegini bes etdi. Bu barada S7 Airlines bilen «Белавиа» awiakompaniýalarynyň resmi saýtlarynda habar berildi.
Türkmenistana girmek üçin PZR barlagynyň otrisatel netijesini ýa-da antibedenjikler üçin barlagy Türkmenistanyň raýatlaryndan başga ähli raýatlar we awiakompaniýanyň ekipažlary görkezmeli. Resminama uçuşa çenli 48 sagatdan giç bolmadyk möhletde berlen bolmaly.
Türkmenbaşy şäherine gonanyndan soň, ähli ýolagçylar, şol sanda Türkmenistanyň raýatlary koronawirus ýokanjyna goşmaça barlagdan geçmeli.
Ýatlatsak, S7 Airlines 2022-nji ýylyň dekabryndan başlap Moskwa-Türkmenbaşy-Moskwa ugry boýunça hepdede iki gezek — duşenbe we penşenbe günleri gatnawy ýerine ýetirýär. Habarlaşmak üçin: +74957830707.
2022-nji ýylyň 13-nji dekabryndan 2023-nji ýylyň 21-nji marty aralygynda «Belawia» kompaniýasy Minsk-Türkmenbaşy ugry boýunça gatnawlarynyň sanyny artdyrdy. Habarlaşmak üçin: +375172202555.
