Dürli meteo saýtlar Türkmenistanda şu hepde garaşylýan howa barada dürli çaklamalary berýärler.
Howanyň ýagdaýyna Russiýanyň ýewropa böleginiň merkezindäki aýazly antiseklon täsirini ýetirmegini dowam eder. «Meteožurnalyň» habar bermegine görä, Türkmenistan günorta-gündogar periferiýada ýerleşer, howanyň temperaturasy bolsa minusdan galmaz.
Beýleki howa maglumaty saýtlary Türkmenistanda gijelerine az-kem minus, gündizlerine bolsa az-kem «+» howany çaklaýarlar. Ähli saýtlaryň çaklamalarynyň umumy gabat gelýän ýeri — düýpli ygal bolmaz, oňa derek aşa sowuk bolar. Türkmenistanyň Gidrometeorologiýa baradaky döwlet komiteti duşenbe gününde howany Aşgabatda «ýeňil garly gije» diýip çaklady. Şeýle hem Lebap we Mary welaýatlarynda hem az-kem garyň ýagmagyna garaşylýar.
Emma «Gyşyň güni kyrk tüýsli» diýlişi ýaly, türkmen gyşynyň üýtgäp, maýyl howany getirmegi hem ahmal. Muňa garamazda, ýyly geýinmegi hem-de sowuk howada köp bolmazlygy unutmaň!
