CelebTatter portaly ABŞ-da Google-dan peýdalanyjylaryň isleglerini seljerdi. Ember Herd meşhur şahslaryň arasynda birinji boldy - onuň adyny her aýyň dowamynda 5,6 mln gezek gözläpdirler.
Aktrisanyň öňki ýanýoldaşy Jonni Depp 5,5 mln gözleg bilen ikinji ýerde boldy. Üstümizdäki ýylyň aprel aýyndan iýun aýyna çenli Herd bilen Depp töhmet hakyndaky iş boýunça kazyýet seljermesine gatnaşdylar.
Netijede kazyýet oturdaşlary Emberi günäli diýip bildiler we Jonnä ýetiren ahlak zyýany üçin oňa 15 mln dollar möçberinde öweztöleg tölemeli diýip karar çykardylar. Herd garşylyklaýyn arzadan soň 2 mln dollary yzyna aldy.
Sanawda üçünji ýere Beýik Britaniýanyň merhum Şa zenany Ýelizaweta II düşdi. Monarh zenan sentýabr aýynda 96 ýaşynyň içinde dünýäden ötdi. Ol ýurdy 1952-nji ýyldan bäri dolandyrýardy. Sanawyň yzyny Kim Kardaşýan, Ilon Mask we Pit Dewidson dagy dowam etdi.
