«Ýewrowideniýe-2023-de» ses bermegiň täze düzgünleri hereket eder. Indi bu bäsleşige gatnaşyjylaryň ykbalyny diňe tomaşaçylar çözer diýip, bäsleşigiň resmi saýtynda habar berilýär. Emin agzalaryny halkara saz bäsleşiginiň bu tapgyryndan çetleşdirerler. «Ýewrowideniýa-2023-iň» guramaçylary şeýle karara gelinmeginiň sebäbini şu ýyl ses berlişigiň ahyrky netijesinde ýüze çykarylan düzgün bozulmalar bilen düşündirdiler.
«2022-nji ýylyň bäsleşiginde ses berlişikde ýüze çykarylan öň gabat gelinmedik düzgün bozulmalar bilen bagly, adalatly ses berlişigi goramagyň usullaryna seretmek üçin, Ýewropa ýaýlymlar birleşiginiň agzalaryndan ybarat iş topary döredildi. Soňra rekomendasiýalar bäsleşigiň geňeşini dolandyrýan referent topar we EBU-nyň Ýerine ýetirji geňeşi tarapyndan makullanyldy» - diýip, guramaçylaryň habarynda aýdylýar.
Indi islendik ýurduň raýaty, hatda bäsleşige gatnaşmaýan ýurtlaryňky hem, tölegli SMS ugradyp, ýerine ýetiriji üçin öz sesini berip bilýär. Şeýle sesler finalda ýurtlaryň sesleri bilen deň bahaly bolar.
