Angliýanyň Premýer-ligasynyň “Mançester Ýunaýted” futbol klubunyň eýesi bolan Gleýzerler maşgalasy topary satmak hakyndaky meselä seredýärler. Bu barada klubuň resmi saýtynda berilýän habara salgylanyp, rbc.ru ýazýar.
Habarda “Mançester Ýunaýtediň” ýolbaşçylygynyň maýadarlara topara täze maýa goýujylary çekmek, stadiony we onuň infrastrukturalaryny döwrebaplaşdyrmak klubuň ählumumy derejede hususy işjeňligini giňeltmek, şeýle-de ony dolulygyna ýa-da bölekleýin satmak mümkinçiliklerini öwrenmegi tabşyrandygy bellenilýär.
Ýeri gelende bellesek, bu topar 1878-nji ýylda “Nýuton Hit” ady bilen esaslandyryldy we 1902-nji ýylda häzirki adyna eýe boldy. 2005-nji ýylyň maýynda ABŞ-ly işewür Malkolm Gleýzer klubuň 1,47 milliard dollarlyk gözegçilik aksiýasyny aldy.
“Mançester Ýunaýted” Angliýanyň Premýer-ligasynda 13 gezek çempion bolup, Angliýanyň kubogy ugrundaky oýunlarda 12 gezek, iňlis ligasynyň kubogynda bolsa 5 gezek ýeňiş gazandy. Şeýle-de topar 3 gezek Çempionlar ligasynyň kubogyny aldy.
