Katarda futbol boýunça dünýä çempionatynyň toparlaýyn tapgyrynyň birinji duşuşygynda Ispaniýanyň futbolçylary Kosta-Rikany 7:0 hasap bilen ýeňlişe sezewar etdiler.
Ispan ýygyndysynyň düzüminde Ferran Torres dubl etdi (31-nji minutda pen., 54-nji min.). Bir goldan Dani Olmo (11), Marko Asensio (21), Gawi (74), Karlos Soler (90) we Alwaro Morato (90+2) geçirdi.
Ispaniýa Germaniýany ýeňen Ýaponiýa bilen bilelikde E toparyň başyny çekýär, olaryň hersinde 3 utuk bar.
Ikinji tapgyrda Ispaniýa Germaniýa bilen, Kosta-Rika bolsa Ýaponiýa bilen duşuşar. Duşuşyklaryň ikisi hem 27-nji noýabra meýilleşdirildi.
