Garyşyk stiliň russiýaly pälwany Fýodor Ýemelýanenko amerikaly türgen Raýan Beýdere garşy karýerasynda soňky tutluşygyny geçirer. Bu barada anna güni Bellator guramasynyň metbugat gullugy habar berdi.
Agyr agramda Bellatoryň çempionynyň titulyny almak ugrundaky bäş raundly göreş 4-nji fewralda Los-Anželesde geçer.
Ýemelýanenko häzir 46 ýaşynda, onuň hasabynda 40 ýeňiş, alty ýeňliş bar, ýene bir göreş bolsa geçmedi diýip hasaplandy. Ol soňky tutluşygyny 2021-nji ýylyň oktýabr aýynda geçirdi, şonda amerikaly türgen Timoti Jonsony birinji raundda nokaut bilen ýeňipdi.
Beýder 2019-njy ýylda Bellatoryň Baş baýragyny almak ugrundaky göreşiň finalynda birinji raundda Ýemelýanenkony nokaut bilen utupdy. 39 ýaşly amerikaly türgeniň hasabynda 30 ýeňiş, 7 ýeňliş bar. Beýder — agyr agramda Bellatoryň häzirki çempiony.
