Toyota kompaniýasy Priusyň gibrid modeliniň täze nesli bilen tanyşdyrdy. Bu barada brendiň metbugat gullugy habar berýär.
Awtoulagyň TNGA-nyň täze platformasynda gurlandygy bellenilýär. Model inçe swetodiod farlaryna, giň howagermewe, şeýle hem kuzowyň ini boýunça tutuşlygyna uzap gidýän yzky "monofonar"-a eýe boldy.
Salonda sanly pribor paneli we mediaulgamyň ekrany oturdylan, onuň aşagynda bolsa iki sany merkezi howa çykaryjy we funksional klawişleriň uly bolmadyk kese blogy ýerleşdirilen.
Bazara awtoulagyň iki wersiýasy çykarylar. Birinjisi 223 a.g.-ne deň bolan umumy netijeli birikdirilýän gibrid bolup durýar. Şeýle ulaga 0-da 100 km/sag-çenli bat almaga 6,7 sek. ýeterlik. Ikinji wariant - bu parallel gibrid, ol islege görä iki benzin hereketlendirijisinde işleýär: umumy kuwwaty 193 a.g.-ne deň bolan 1,8 litirlik ýa-da 2,0 litrlik içinden ot alýan hereketlendiriji. Toyota Priusyň hasap boýunça bäşinji neslini 2022-nji ýylyň dekabr aýynda satyp başlamak bellendi.
