“Iňlisleriň “Liwerpul” futbol klubuna eýelik edýän ABŞ-nyň “Fenway Sports Group” (FSG) kompaniýasy topary satuwa çykardy” diýip, kompaniýanyň beýanatyna salgylanyp, “The Athletic” habar berýär. Bu maglumaty mir24.tv paýlaşýar.
Kompaniýa tarapyndan eýýäm kluby satyn almaga gyzyklanýanlar üçin prezentasiýa taýýarlanyldy. Satuw işine kömek bermek üçin “Morgan Stanley” we “Goldman Sach” kompaniýalary hakyna tutuldy.
“Ozal “FSG” eger bu klub hökmünde “Liwerpulyň” bähbidine bolsa, dogry şertleri ulanmak esasynda, täze aksionerler hakyndaky meselä garajakdygyny mälim edipdi. “FSG” häzirem “Liwerpulyň” meýdançada-da, onuň daşynda-da üstünliklerine doly ygrarly bolmagynda galýar” diýip, kompaniýa habar berýär.
Ýeri gelende bellesek, “Fenway Sports Group” kompaniýasy sporta maýa goýmak bilen meşgullanýar. Hususan-da, oňa “Boston Red Soks” beýsbol kluby we “Pittsburg Pingwins” milli hokkeý ligasynyň topary degişlidir. “Fenway Sports Group” 2010-njy ýylyň oktýabryndan bäri “Liwerpula” eýelik edýär. Bu topar 2019-njy ýylda Çempionlar ligasynda ýeňiş gazandy, 2020-nji ýylda bolsa Angliýanyň çempiony boldy.
