Nissan kompaniýasy özüniň meşhur ykjam Juke krossowerini Awstraliýanyň bazary üçin täzeledi. 2023-nji model ýylynyň Nissan Juke 2023 krossoweri täzeden işlenen dizaýna we gowulandyrylan aerodinamikaly täze tehnologik çözgütlere eýe boldy. Nissan Juke 2023 birnäçe komplektasiýalarda teklip ediler: ST, ST+, ST-L+, Ti we Ti Energy Orange. Olar özünden öňkülerden täzelenen şildikleri we iki sany açyk reňkli — keramiki çal we magnit-gök görnüşleri bilen tapawutlanýarlar.
Nissan Juke ST we ST+ modelleri 17 dýumlyk birsydyrgyn ýeňil diskler bilen üpjün edilen, ST-L we ST-L+ bolsa içiniň gara elementleri we ak çyzykly deriden oturgyçlary bilen tapawutlanýarlar. Şeýle hem ST-L, ST-L+ we Ti modelleri täze ýük tekjesine eýe boldular, bu bolsa ýük goýulýan bölümi aňrybaş netijeli ulanmaga mümkinçilik berýär. Bulardan hem başga, Juke ST-L, ST-L+ we Ti toplumlarynda kontaktsyz blokirowka edýän/blokirowkany aýyrýan intellektual açar we Bose-yň premium-klas görnüşli stereoulgam bar.
Awtoulag kuwwaty 114 at güýjüne deň bolan turboüfleýjili 1-litrlik üç silindrli hereketlendiriji, iki ssepleniýaly ýedi basgançakly robotlaşdyrylan peredaça korobkasy bilen üpjünlenen. Garyşyk siklda 100 km-e 5,8 l ýangyç sarp edýär.
Awstraliýada 2023-nji model ýylynyň Nissan Juke-niň bahasy 28 390 awstraliýa dollaryndan ýa-da ABŞ-yň 18 000 dollaryndan başlanýar.
