Dünýäniň iň gowy ýaş futbolçysy Golden Boy baýragynyň eýesi boldy

  • 23.10.2022 10:27
  • 10k+

Ispaniýanyň “Barselona” klubunyň ýarym goragçysy Gawi Ýewropada ýylyň iň gowy futbolçysyna (21 ýaşdan uly bolmadyk oýunçylar) berilýän “Tuttosport” italýan neşirinden Golden Boy baýragyna mynasyp boldy. Bu barada RIA Nowosti habar berýär.

Baýragyň resmi gowşurylyş dabarasy 7-nji noýabrda Turinde geçiriler. Soňky ses berişlige Eduard Kamawinga (“Real”, Fransiýa), Jud Bellingem (Dortmundyň “Borussiýasy”, Angliýa) we Jamal Musiala hem (“Bawariýa”, Germaniýa) gatnaşdy.
17-nji oktýabrda Gawi “France Football” žurnalynyň wersiýasy boýunça 2022-nji ýylyň iň gowy ýaş futbolçysy boldy. 18 ýaşly ýarym goragçy “Barselonanyň” ýetişdiren oýunçysy. Ol 2021/22-möwsüminde katalon kluby üçin 48 oýna gatnaşyp, iki gol geçirdi we alty netijeli geçirim etdi.
Geçen ýyl Golden Boy baýragynyň eýesi “Barselonanyň” başga bir oýunçysy – ýarym goragçy Pedri boldy. 2020-nji ýylda bu baýragy Norwegiýanyň milli ýygyndysynyň hüjümçisi Erling Holand aldy. Ol häzir Angliýanyň “Mançester Siti” toparynda çykyş edýär.


şu gün 15:41
1k+

Ispaniýa Fransiýany 5:4 hasabynda utup, yzygider üçünji gezek Milletler ligasynyň finalyna çykdy

Ispaniýanyň milli ýygyndysy UEFA-nyň Milletler ligasynyň ýarym finalynda Fransiýany 5:4 hasabynda utdy. Oýun Ştutgartda geçirildi. Oýnuň dowamynda ispanlar iki gezek hasapda dört gol tapawudy saklady (4:0 we 5:1), ýöne soňky minutlarda has rahatlanyp, fransuzlara tas kambek etmäge mümkinçilik beripdi...

şu gün 15:38
2.1k+

Özbegistanyň milli ýygyndysy taryhda ilkinji gezek futbol boýunça dünýä çempionatyna çykdy

Özbegistanyň milli ýygyndysy öz taryhynda ilkinji gezek futbol boýunça dünýä çempionatyna çykdy. Topar 5-nji iýunda Birleşen Arap Emirlikleriniň milli ýygyndysy bilen geçirilen oýundan soň ýaryşda özüne ýer kepillendirdi...

şu gün 09:30
5.5k+

Simone Indzagi “Al-Hilýalyň” başyna geçip, dünýäde iň köp zähmet hakyny alýan tälimçi boldy

Italiýaly hünärmen Simone Indzagi Saud Arabystanynyň “Al-Hilýal” futbol toparynyň baş tälimçisi wezipesine bellendi. Bu barada klubuň resmi saýtynda habar berilýär. 49 ýaşly hünärmen bilen şertnama 2026/27 möwsüminiň ahyryna çenli hereket eder...

düýn 16:35
11k+

Portugaliýa ikinji gezek Milletler ligasynyň finalyna çykdy. Ýarym finalda ol Germaniýany utdy

Portugaliýanyň milli ýygyndysy Milletler ligasynyň ýarym finalynda Germaniýanyň toparyny utdy. Duşuşyk Mýunhende geçirildi we portugaliýalylaryň peýdasyna 2:1 hasabynda tamamlandy. Ýeňijileriň düzüminde gollary Fransişku Konseýsau we Kriştianu Ronaldu geçirdi...