“Pari Sen-Žermeniň” we Argentinanyň milli ýygyndysynyň hüjümçisi Lionel Messi Braziliýanyň we Fransiýanyň toparlarynyň ýakynda Katarda geçiriljek dünýä çempionatynyň faworitleridigini aýtdy. Bu barada rsport.ria.ru belleýär.
“Uly ýygyndylar bar: Braziliýa, Germaniýa, Fransiýa, Angliýa we Ispaniýa. Käbirlerini ýatdanam çykarandyryn. Ýöne eger birini ýa ikisini saýlamaly bolsam, onda meniň pikirimçe, Braziliýa bilen Fransiýa bu dünýä çempionatynda ýeňiji bolmak üçin iki esasy dalaşgär” – diýip, Messiniň sözlerini RMC Sport getirýär.
2022-nji ýylyň dünýä çempionatynda Braziliýanyň ýygyndysy bir toparda serbler, şweýsariýalylar we kamerunlylar, Fransiýanyň topary bolsa awstraliýalylar, daniýalylar we tunisliler bilen oýnar.
Futbol boýunça dünýä çempionaty 20-nji noýabrdan 18-nji dekabr aralygynda geçiriler.
