26-njy oktýabrdan başlap, «Älem TV» teleýaýlym operatory «AŞTU» ÝGPJ-niň hem-de «Türkmentelekom» EAK-nyň müşderileri üçin «Älem TV» IPTV hyzmatyny tölegli esasda işe girizdi. Şu güne çenli bu hyzmat ulanyjylara mugt hödürlenildi.
Hyzmatyň her aýlyk tölegi — 50 manat.
Öň TmCars.info «AŞTU» ÝGPJ-niň hem-de «Türkmentelekomyň» EAK-nyñ hyzmatlaryndan peýdalanýan müşderileriň «Älem TV» IPTV hyzmatyndan hem aňsatlyk bilen birikdirip biljekdiklerini habar beripdi.
«Älem TV» IPTV hyzmaty arkaly Ýewropanyň we Aziýanyň ýörgünli teleýaýlymlaryny, meşhur sport, rus, türk, özbek we hindi teleýaýlymlaryny gije-gündizleýin hödürleýär.
«Älem TV» IPTV hyzmatyny birikdirmek üçin näme etmeli?
«Älem TV» IPTV hyzmatyny islendik adam özbaşdak hem, degişli aragatnaşyk operatoryna — «AŞTU» ÝGPJ-ine ýa-da «Türkmentelekom» EAK-na ýüz tutmak arkaly hem birikdirip bolar.
Hyzmaty özbaşdak birikdirmek üçin Android ulgamly telewizorlarda ýa-da IPTV TVBOX enjamlaryna Google Play Market-den «Älem TV» goşundysyny ýükläp almaly we degişli aragatnaşyk operatoryny görkezmeli («AŞTU» ÝGPJ ýa-da «Türkmentelekom» EAK).
Hyzmat birikdirilende her müşderä iki sany enjam üçin niýetlenen (2 telewizor, telewizor+smartfon we ş.m.) bir login we parol berilýär.
Tölegi degişli aragatnaşyk operatorynyñ nokadyna baryp geçirmeli.
«Älem TV» mobil goşundysyny Google Play Marketden https://play.google.com/store/apps/details?id=iptvportal.tmalem smartfonlara ýükläp almak arkaly, IPTV hyzmatynyñ teleýaýlymlaryna tomaşa etmek mümkin.
Hyzmaty birikdirmek üçin şu telefon belgilerinden habarlaşyp bilersiňiz: +99365 019998; +99365 317887
Tehniki soraglar üçin: +99361 859499
Iş wagty: 9:00—18:00
