«Arş» hojalyk jemgyýeti kagyz karton galyndylaryny gaýtadan işläp, ýörite sargyt boýunça karton gutularynyň dürli görnüşlerini öndürmek hyzmatyny hödürleýär.
Hususan-da, kärhana:
- Kagyz galyndylaryny (makulatura) gaýtadan işläp karton kagyzynyň dürli görnüşlerini — ak, goňur, kraft, toplaýner, flýuting, testlaýner we ş.m. öndürýär;
- Karton kagyzdan islendik görnüşdäki karton gutularyny öndürýär;
- Karton gutularynyň ýüzünde islendik şekilleri (logolary) 4 reňkde çap edip berýär;
- Karton tegeklerini (naýçalary) öndürýär. Karton tegekleriniň ýüz we içgatlaryna şekilleri (logolary) çap edip berýär.
«HIL KEPILIGI! YNAMDAR HYZMATDAŞ!»
Bu şygar astynda önümçiligini amala aşyrýan kärhana daşky gurşawy goramak, galyndysyz önümçiligi ýola goýmak babatda möhüm işleri alyp barýar. Kärhana zyňyndy kagyzlary, ulanyşdan galan gutulary toplap, gaýtadan işläp, olary ýene-de ulanyşa girizmek bilen, daşary ýurtdan getirilýän harytlaryň ornuny tutýan ýokary hilli önümleri türkmen manadyna nagt we bank hasabyndan hasaplaşyk arkaly satýar. Munuň üçin, kärhana önümçilik maksatly gerek bolan ähli resminamalara eýedir.
Önümçilik nähili amala aşyrylýar?
Kärhananyň düzüminde doly enjamlaşdyrylan 3 sany önümçilik önümhanasy bar.
Önümler diňe sargyt esasynda ýerine ýetirilýär. Önümçilik kärhanalary karton gutularyň dürli görnüşlerini, dokma kärhanalary karton tegekleriň islendik ölçeglerini şeýle hem, restoranlar, tiz tagamlar pizza, pide we ş.m. iýmit önümleriniň gabyny islegleri boýunça sargyt edip bilýär. Islendik haryt sargyt edilenden, sargydyň göwrümine we önümçiligiň ýygylygyna görä, alyjy bilen wagt kesgitlenilýär.
Raýatlar kagyz galyndylaryny tabşyryp bilýär
Kärhanada kagyz galyndylaryny ýygnaýan bölüm hereket edip, islendik raýat jaň edip öz kagyz toplaýan salgysyna çagyryp, kagyz galyndylaryny tabşyryp bilýär. Kagyz galyndylarynyň agramy çekilip, tabşyran adam bilen kesgitlenen nyrh boýunça hasaplaşyk geçilýär.
Lomaý hem bölek sargyt edip bolýar
Sargytlar lomaý hem, bölekleýin bolup biler. Aşgabat şäheri we Ahal welaýatynyň Ak bugdaý we Gökdepe etraplary aralygynda sargytlary eltip bermek hyzmaty mugt amala aşyrylýar. Tölegli esasda welaýatlara hem eltip berilýär.
Hasaplaşyklar nagt we nagt däl görnüşinde geçilýär.
Habarlaşmak we karton gaplaryny sargyt etmek üçin telefon belgisi: +993 63 78-88-88
Salgymyz: G.Kuliýew köçesi, «Gurban» binasy (Edara bina);
Ak bugdaý etraby, Gäwers d/b, Gäwers obasy (Önümçilik).
Saýty: http://www.arshkarton.com.tm
