Britaniýada, takmynan, 8 mln öý hojalygy telekommunikasiýa töleglerinden kynçylyk bilen baş alyp çykýar diýip, “The Guardian” gazeti Ofcom media düzgünleşdirijisiniň maglumatlaryna salgylanyp habar berýär. Muny gazeta.ru ýetirýär.
Soňky bir ýylda ykjam aragatnaşyk we öý interneti üçin töleglerinden baş çykarmaga çalyşýan maşgalalaryň sany iki esse – 15%-den 29%-e çenli köpeldi. Ofcom-yň maglumatlaryna görä, Britaniýada her ýedinji maşgala aragatnaşyk hyzmatlaryndan peýdalanyp bilmek üçin azyk önümleri we egin-eşikler ýaly beýleki ugurlar üçin çykdajylary azaltdy. Öý hojalyklarynyň 9%-i bolsa bu hyzmatlardan düýbünden ýüz öwürdi.
Şunuň bilen baglylykda, media düzgünleşdirijisi uly telekommunikasiýa kompaniýalaryny inflýasiýanyň ýokarlanmagyna getirjek ýaz paslynda bahalary ýokarlandyrmak meýilnamasyna täzeden garamaga çagyrdy.
