Intel kompaniýasy alty modeli öz içine alan Raptor Lake-iň 13-nji nesliniň täze prosessorlarynyň tapgyryny bildiriş etdi. Bu barada The Verge habar berýär.
Aýtmaklaryna görä, täze çipler kuwwaty boýunça öňki nesilden köp akymly režimde 41% we bir akymly režimde bolsa 15% güýçlüdir diýip, gazeta.ru ýazýar.
Täze tapgyra i9-13900K we i9-13900KF (ýygylygy 5,8GGs-e çenli bolan 24 ýadro), i7-13700K we i7-13700KF (ýygylygy 5,4GGs-e çenli bolan 16 ýadro), şeýle-de i5-13600K we i5-13600KF (ýygylygy 5,1 GGs-e çenli bolan 14 ýadro) modelleri girdi.
Öňki nesildäki ýaly, Raptor Lake-de öndürijilikli P-ýadrony we energonetijeli E-ýadrony öz içine alýan garnuwly arhitektura ulanylýar. Bloklaryň arasyndaky güýji paýlamaklyk ýene Intel Thread Director oturtma mikrokontrolýoryň paýyna düşer.
Täze prosessorlaryň ählisi 20-nji oktýabrda satuwa çykar we bahalary degişlilikde 589$, 564$, 409$, 384$, 329$ we 294$ bolar.
