2023-nji ýylda “Ýewrowideniýe” Liwerpulda ýa-da Glazgoda geçiriler

  • 30.09.2022 11:06
  • 3k+

“Ýewrowideniýe” halkara aýdym-saz bäsleşigi 2023-nji ýylda Liwerpulda ýa-da Glazgoda geçiriler. Bu barada “Bi-bi-si” habar berdi diýip, centralasia.media belleýär.

“Ýewrowideniýe-2023-i” geçirmek hukugyna dalaş edýänleriň gysga sanawyna Beýik Britaniýanyň ýedi şäheri girdi: Birmingem, Lids, Mançester, Nýukasl, Şeffild, Glazgo we Liwerpul. Öň, “Metro” neşiri guramaçylar tarapyndan esasy göz öňünde tutulýan şäherleriň Glazgo bilen Birmingemdigini ýazypdy, ýöne soňkusy liderleriň ikiligine girmedi.
Aýdym-saz bäsleşiginiň gutarnykly geçiriljek ýeri indiki hepdeleriň dowamynda belli bolar diýip, “Bi-bi-si-niň” wekili belleýär.
2022-nji ýylda Italiýanyň Turin şäherinde geçirilen “Ýewrowideniýede” Ukrainanyň Kalush Orchestra hip-hop topary “Stefaniýa” aýdymy bilen ýeňiji boldy. Bu ýeňiş hem ýurda geljek ýyl bäsleşigi geçirmäge hukuk berýär. Ukraina bäsleşigi kabul etmäge taýýardygyny habar berdi. Şeýle-de bolsa, iýun aýynda Ýewropanyň ýaýlym birleşigi (EBU) howpsuzlyk maksady bilen, bäsleşigi ikinji ýer alan Britaniýada geçirmek kararyna geldi. Ukraina soňky bäsleşikde ýeňiji bolan ýurt hökmünde geljekki bäsleşigiň göni finalyna çykar.
Soňky gezek Britaniýa “Ýewrowideniýäni” 1998-nji ýylda Birmingemde kabul etdi. Londonda “Ýewrowideniýe” soňky gezek 1977-nji ýylda geçirildi, 2023-nji ýyldaky bäsleşik ýurt üçin dokuzynjy bolar.


09.09.2025 17:25
8.3k+

Londonyň hökümeti jemgyýetçilik ulaglarynda nauşniksiz aýdym diňleýänler bilen göreşýär

Londonyň hökümeti ýolagçylary jemgyýetçilik ulaglarynda aýdym diňlemek we wideo görmek üçin nauşnik ulanmaga çagyrýan kampaniýa başlady. Bu çäre galmagalyň derejesini peseltmäge we ähli ýolagçylar üçin has rahat şertleri döretmäge gönükdirilendir diýip, kampaniýanyň başyny başlan Londonyň häkimi Sadyk Han habar berdi...

02.09.2025 19:21
4k+

Beýik Britaniýada şokoladyň tagamyny güýçlendirýän saz döredildi

Beýik Britaniýada diňläniňde şokoladyň süýji tagamyny has güýçlendirýän saz döredildi diýip, New York Post habar berýär. Bristol uniwersitetinden kompozitor we ses boýunça hünärmen Natali Hiasint soňky 60 ýylda sazyň tagam duýgularyna ýetirýän täsiri baradaky ylmy gözlegleri öwrendi...

29.08.2025 00:27
11k+

Londonda şa gyzy Diana we iki çaga tarapyndan goýlan wagt kapsulasy açyldy

Beýik Britaniýada Uels şa gyzy Diana tarapyndan goýlan wagt kapsulasy açyldy. Bu barada The Guardian ýazýar. Agaç guty 1991-nji ýylda Londonyň merkezindäki Greýt-Ormond-Stritde Variety Club hassahanasynyň binasynyň düýbi tutulanda gömüldi...

24.08.2025 17:19
9k+

Britaniýaly adam bir hepdede 55 sany "amerikan depejikleri" attraksionyna münüp Ginnesiň rekordyny goýdy

Britaniýaly Din Stouks Ginnesiň rekordlar kitabyna adyny ýazdyrdy – ol bir hepdäniň içinde "amerikan depejikleri" diýlip belli bolan 55 sany attraksionlara münüpdir diýip, BBC habar berýär. Rekordçy ilkibaşda diňe Beýik Britaniýadaky we Irlandiýadaky şeýle attraksionlara baryp görmegi maksat edinendigini, ýöne soňundan rekord goýmagy ýüregine düwendigini aýtdy...