«Barselonanyň» we Ispaniýanyň ýygyndysynyň 18 ýaşly ýarym goragçysy Gawi klub bilen 2026-njy ýyla çenli şertnamasyny uzaldar. Geleşik ylalaşyldy we tassyklandy diýip, italýan žurnalisti Nikolo Skira habar berýär.
Täze şertnama boýunça oýunçynyň öwez töleginiň möçberi 1 mlrd ýewrodyr. Transfermarkt portaly ýarym goragçynyň bahasy 60 mln ýewro durýar diýip baha berýär.
Gawi «Barselonanyň» esasy topary üçin geçen ýylyň tomsundan bäri çykyş edýär. Futbolçy katalonlylar üçin 53 oýna gatnaşdy, olarda iki gol saldy we alty gezek netijeli pas berdi. Onuň häzirki şertnamasy 2023-nji ýylyň iýunynyň ahyryna çenli baglaşylan.
Gawi Ispaniýanyň ulular ýygyndysy üçin ilkinji gezek 2021-nji ýylyň oktýabrynda çykyş etdi. Milli toparyň haýryna ol 10 oýna gatnaşdy we bir gezek netijeli pas berdi.
13-nji oktýabrda, sişenbe güni «Barselona» Çempionlar ligasynda Mýunheniň «Bawariýasy» bilen oýnar. Oýun aşgabat wagty bilen 00:00-da başlanýar.
