Awstraliýaly ýaryşa gatnaşyjy Daniel Rikkardo “Formula-1” çempionatynyň ahyrynda “Maklaren” topary bilen hyzmatdaşlygyny möhletinden ir bes edýändigini habar berdi. Muny gazeta.ru ýetirýär.
Rikkardo “Maklarende” 2021-nji ýylda çykyş edip başlady we şu wagta çenli diňe bir gezek, Italiýanyň Gran-prisinde ýeňiş gazanyp, baýrakçylaryň hataryna girmegi başardy.
“Daniele gaýduwsyzlygy we soňky iki möwsümiň dowamynda toparyň işine goşan goşandy üçin minnetdarlyk bildiresim gelýär. Ol hemişe söweşiji ruhuny görkezip, “Maklarene” öňe gitmäge kömek etdi.
Biz toparymyzyň mundan beýläk-de ösmegine itergi beren Monsadaky ýaryşy hiç haçan ýatdan çykarmarys” – diýip, “Maklareniň” resmi saýty toparyň ýolbaşçysy Andreas Zaýdlyň sözlerini getirýär.
Rikkardo heniz özüniň geljekdäki meýilnamalary barada aýtmady, ýöne “wagty gelende” habar berjekdigine wada berdi.
“Men toparda geçiren wagtyma ökünmeýärin we eden tagallalaryma, öz işime we esasanam, geçen ýyl Monsada gazanan ýeňşime buýsanýaryn. Men “Maklarende” işlemekden uly lezzet aldym we möwsümiň galan möwsüminde-de elimden gelenini ederin” – diýip, Rikkardo aýtdy.
