Ýakyn wagtda OPEK+ 2022-nji ýyldan soňky döwür üçin täze şertnamanyň üstünde işläp başlamak bilen, ony has netijeli etmegi maksat edinýär. Bu barada Saud Arabystanynyň energetika ministri şazada Abdel Aziz ben Salman aýtdy diýip, media.az belleýär.
“Tiz wagtdan biz öňki tejribelerimiziň, gazanan üstünliklerimiziň esasynda täze şertnamanyň üstünde işläp başlarys. Biz täze şertnamany öňküsinden has netijeli etmek isleýäris” – diýip, SPA agentligi ministriň sözlerini getirýär.
OPEK+ şertnamasy 2016-njy ýylyň ahyrynda dünýäde energiýa göterijileriň bahalarynyň pese gaçmagy sebäpli baglaşyldy we 2017-nji ýyldan bäri hereket edýär. 2020-nji ýylyň maý aýyndan bäri şertnama täzelenen görnüşde işleýär we şu ýylyň ahyryna çenli hereket eder.
