Şanhaýyň häkimiýetleri şäheriň ýaşaýjylaryna sarp ediş çykdajylaryny höweslendirer ýaly onlaýn söwda üçin 1 mlrd ýuanlyk ($147,3 mln) kuponlary bermegi meýilleşdirýärler. Bu barada “Sinhua” agentligi habar berdi diýip, interfax.ru belleýär.
Kupony almak üçin Şanhaýyň 18 ýaşdan uly ähli ýaşaýjylary arza tabşyryp bilýär. Kuponlar awgust aýynyň ahyryndan noýabr aýy aralygynda berler, olary Alipay we WeChat Pay töleg serwislerinde, şeýle-de iýmit ownuk harytlar, güýmenjeler we syýahatçylyk hyzmatlary üçin töleg geçirmekde sarp etmek bolar.
Ikinji çärýekde Şanhaýyň umumy sebit önümi koronawirusyň ýaýramagynyň öňüni almaga gönükdirilen berk çäklendirmeler sebäpli ýyllyk aňlatmasynda 13,7% pese gaçdy.
Ykdysadyýeti dikeltmek üçin şäher häkimiýetleri awtobazary höweslendirer ýaly täze energiýa çeşmelerinde işleýän awtomobilleri satyn almak üçin pul kömegini bermek ýaly birnäçe çäreleri gördüler. “Sinhua” ýakyn wagtda Şanhaýda durmuş elektronikasynyň satuwyna goldaw bermek üçin çäreleriň anons ediljekdigini belleýär.
