Suw ýetmezçiliginiň öňüni almak üçin, britaniýalylar suwa düşmek wagtyny, iň bolmanda, bir minut kemeltmeli bolarlar. Bu barada ýekşenbe güni patyşalykda suw üpjünçiligi bilen meşgullanýan kompaniýanyň çeşmelerine salgylanýan The Sunday Times gazeti habar berdi.
Hökümet maksatnamasynyň çäklerinde Beýik Britaniýanyň her bir ýaşaýjysy 2050-nji ýyla çenli gündelik ulanýan suwunyň dörtden bir bölegini - günüňe 145 litr bolanlygyndan günde 110 litre çenli kemeltmeli bolar. Ekspertleriň çaklamasyna görä, ýene 25 ýyldan patyşalykda ilatyň suw üpjünçiligi üçin günde goşmaça 4 mlrd suwuň bolmagyna zerurlyk ýüze çykar, şol sebäpli şunuň ýaly maksatnamalary öňe sürülmeli bolupdyr. Şeýle zerurlyk bilen bagly, britan hökümeti suw saklamak üçin 1992-nji ýyldan bäri birinji howdany gurmaly diýen karara geldi, howdan 2029-njy ýyla çenli taýýar bolar diýip garaşylýar.
