Gazagystanly Bibisara Asaubaýewa 2021-nji ýylda Aziýanyň iň gowy küştçüsi boldy. Bu barada türgen Hindistanda geçirilen baýrak gowşurylyş dabarasyndan soň habar berdi diýip, centralasia.media belleýär.
“Düýn FIDE-niň baýrak gowşurylyş dabarasy boldy. 15-nji dünýä çempiony Wişwanatan Anand maňa “Zenanlaryň arasynda Aziýa-2021-iň iň gowy küştçüsi” baýragyny gowşurdy. Işimi şeýle ýokary baha mynasyp görendigi üçin FIDE sagbolsun aýdýaryn” – diýip, küştçi ýazdy.
Bibisara Asaubaýewa – zenanlaryň arasynda grossmeýster, erkekleriň arasynda halkara ussat, 2021-nji ýylda küştüň taryhynda blitz boýunça iň ýaş dünýä çempiony boldy. Şeýle-de, ol rapid boýunça dünýä çempionatynyň kümüş baýrakçysy we 2021-nji ýylda Aziýa çempionydyr.
Häzirki wagtda Bibisara Asaubaýewa Hindistandaky Bütindünýä küşt olimpiadasynda Gazagystanyň abraýyny goraýar.
