«Formula-1» klasyndaky awtoýaryşlar boýunça dünýä çempionatynda çykyş edýän “Aston Martin” topary “Patyşalyk ýaryşlarynyň” iki gezek çempiony ispaniýaly Fernando Alonso bilen şertnama baglaşylandygy barada habar berdi.
Bellenilişi ýaly, 41 ýaşly sürüji bilen köpýyllyk şertnama baglaşyldy, Alonso 2023-möwsüminden “Aston Martinde” çykyş edip başlar.
“Meniň henizem lider bolmak ugrunda göreşmäge islegim we maksadym bar, men öwrenmäge, ösmäge we üstünlik gazanmaga ýykgyn edýän guramanyň bir bölegi bolasym gelýär” – diýip, Alonso aýtdy.
“Aston Martinde” Alonso möwsümiň ahyrynda “F1-den” gitjekdigi barada mälim eden “Formula-1-iň” dört gezek çempiony germaniýaly Sebastýan Fetteliň ornuny çalşyrar.
