ABŞ-nyň Illinoýs ştatynyň ýaşaýjysy Mega Millions lotereýasynda 1 mlrd 337 mln dollar utdy diýip, lotereýanyň saýtynda ýerleşdirilen habarda aýdylýar.
«29-njy iýulda geçirilen oýunda bir petekde sanlaryň altysy hem gabat geldi we petegiň eýesine 1,337 mlrd dollar möçberinde baýrak getirdi» diýip, bäsleşigiň guramaçylary habar berdiler.
Ýeňiji alty sanyň altysynam — 13, 36, 45, 57 we 67 belgidäki ak şarlary we № 14 belgili altyn şary bildi. Petek satyn alýan adam belgileri özbaşdak saýlaýar. Bir petegiň bahasy 2 dollar.
Agentligiň maglumatlaryna görää, utuşly petek Çikagonyň eteginde Des-Pleýns şäherinde Ist-Tuhi-awenýuda Speedway ýangyç guýujy bekedindäki minimarketde satyldy. Ýeňiji eline nagt görnüşde 780,5 mln dollary alar.
