Italiýanyň «Milan» futbol kluby hüjümçi Zlatan Ibrahimowiç bilen täze şertnama baglaşdy. Bu barada futbol klubunyň saýtynda habar berilýär diýip, interfax.ru belleýär. 40 ýaşly şwesiýaly oýunçy bilen şertnamanyň hereket ediş möhleti bir möwsüm bolar.
Ibrahimowiç 2019-njy ýylyň dekabrynda «Milana» gaýdyp geldi. Ol mundan öňem «Milanda» oýnap, onuň bilen Italiýanyň çempionatynda (2010/11) we Super kubogynda (2011) ýeňiş gazandy. 2021/22-möwsüminde şwesiýaly hüjümçi «Milanyň» düzüminde ýene-de Italiýanyň çempiony boldy.
Şeýle-de, Ibrahimowiç “Inter” bilen (üç gezek), “Ýuwentus” bilen (iki gezek) A seriýasynda ýeňiji boldy, ol “Pari Sen-Žermen” bilen Fransiýanyň dört gezek çempiony, “Aýaks” bilen Niderlandlaryň iki gezek çempiony, “Barselona” bilen Ispaniýanyň çempionatynyň ýeňijisi boldy. Kataloniýanyň kluby bilen Klublaýyn dünýä çempionatynda we UEFA-nyň Super kubogynda hem ýeňiş gazandy. Ol Angliýanyň “Mançester Ýunaýted” kluby bilen bolsa UEFA-nyň Ýewropa ligasynyň ýeňijisi boldy.
Ibrahimowiç – Şwesiýanyň milli ýygyndysynyň taryhynda iň gowy bombardir – 116 oýunda 62 gol.
