Hojamyrat Geldimyradow Türkmen döwlet ykdysadyýet we dolandyryş institutynyň rektory wezipesinden boşadylyp, Türkmenistanyň Ministrler Kabinetiniň Başlygynyň ykdysady, bank we halkara maliýe guramalary meseleleri boýunça orunbasary wezipesine bellenildi.
Degişli resminama Prezident Serdar Berdimuhamedow ýurdumyzyň ykdysadyýetiniň pudaklarynda şu ýylyň geçen alty aýynda alnyp barlan işleriň jemlerine bagyşlap geçiren Ministrler Kabinetiniň giňişleýin mejlisinde gol çekdi. Bu barada «Watan» habarlar gepleşiginde habar berildi.
Öň ykdysady meseleler boýunça wise-premýer wezipesinde işlän M.Muhammedow başga işe geçmegi sebäpli wezipesinden boşadyldy.
