2009-njy ýylyň ýanwarynda Nýu-Ýorkuň La-Guardia howa menzilinden asmana göterilenden birnäçe minut geçensoň guş sürüsi bilen çaknyşan Airbus A320 ýolagçy uçaryny Gudzon derýasyna gondurmagy başaranlygy bilen meşhurlyk gazanan Çesli Sallenberger ABŞ-yň Halkara raýat awiasiýasy guramasyndaky (IKAO) wekili wezipesinden gidýär diýip, penşenbe güni The Wall Street Journal gazetiniň ýazandygyny TASS habar berýär.
Onuň maglumatyna görä, bu wezipä girişenine ýarym ýyl töweregi wagt bolan Sallenberger 1-nji iýuldan wezipesini tabşyrar. Neşiriň ýazmagyna görä, 71 ýaşly uçarman adaty durmuşa gaýdyp barmak isleýär.
Öň, harby uçarman bolup, soňra raýat awiasiýasyna geçen Sallenberger NASA-da uçuşlaryň howpsuzlygy boýunça maslahatçy bolup hem işledi we adatdan daşary hadysalar üçin uçarmanlar toparynyň taýýarlygyny kämilleşdirmäge ýardam berdi.
