Koreýa Respublikasynyň hökümeti indiki hepde koronawirusa garşy sanjym almadyklar ýurda gelende olar üçin bellenen karantini ýatyrar. Bu barada anna güni Koreýa Respublikasynyň premýer-ministri Han Dok Su mälim etdi diýip, TASS-a salgylanýan Trend habar berýär.
"Biz daşary ýurtdan gelýänler üçin gözegçilik ulgamyny üýtgedýäris. Şu wagta çenli daşary ýurtlardan gelýän adamlar ýedi gün karantinde bolýardylar. 8-nji iýundan başlap, sanjym alnandygyna-alynmandygyna garamazdan, bu talap aradan aýrylar" diýip, "Hangýore" gazeti premýeriň sözlerini getirýär.
Gelýänler entegem serhetde Respublikanyň çägine girmezleriniň üç gün öňüsyrasy tabşyrylan PSR-testiň netijesini görkezmelidirler diýip, ol takyklaýar. Owal Günorta Koreýanyň hökümeti Seul ýa-da BSGG tarapyndan ykrar edilen sanjymlary alanlar üçin karantini ýatyrypdy.
