Kipr 1-nji iýundan syýahatçylar üçin ähli koronawirus çäklendirmelerini ýatyrar

  • 30.05.2022 07:36
  • 11k+

1-nji iýundan başlap, Kipriň hökümeti koronawirus sebäpli girizilen giriş çäklendirmeleriniň ählisini ýatyrýar, aýratynam, syýahatçylara waksina alandygy baradaky sertifikaty ýa-da COVID-19 üçin PZR-testi görkezmek hökman bolmaz diýip, Cyprus Mail gazeti habar berýär. 

"Kipriň Ministrler kabineti, ýurtda epidemiologiýa ýagdaýynyň gowulaşandygy bilen bagly, 1-nji iýundan başlap, aeroportlarda we portlarda syýahatçylar üçin kowide garşy ähli çäklendirmeleri ýatyrmagy karar etdi" diýip, neşir ýazýar.

Gazetiň belleýşi ýaly, 1-nji iýundan başlap, syýahatçynyň haýsy ýurtdan gelendigine garamazdan, waksina alandygy baradaky sertifikaty ýa-da koronawirus bilen keselländigi hakynda güwänamany, antigenler üçin otrisatel PZR ýa-da ekspress-testi görkezmek talap edilmez.
Kipriň Ulag ministri Ýannis Karusosyň sözlerine görä, maý aýynda, 2019-njy ýylyň pandemiýadan öňki degişli döwri bilen deňeşdirilende, gatnawlarda ýolagçy akymy 77% boldy, bu bolsa günde ortaça 30 müň ýolagçy diýmegi aňladýar.


düýn 21:19
1k+

Angliýanyň hökümeti syýahatçylyk salgydyny girizmegi meýilleşdirýär

Angliýanyň hökümeti otellerde, myhman öýlerinde we beýleki ýerleşilýän jaýlarda galýan myhmanlar üçin syýahatçylyk salgydyny girizmäge taýýarlanýar. Ýolbaşçylar häkimlere şeýle tölegi kesgitlemäge hukuk bermegi meýilleşdirýär...

düýn 09:28
3.2k+

La Liste ýylyň iň gowy 1000 restoranyny saýlady

Parižde restoranlaryň iň belli halkara reýtingleriniň biri bolan La Liste ýyllyk baýragynyň netijesi yglan edildi. Şu ýyl birinji orunda birbada on restoran ýerleşdi – olaryň ählisi 100-den 99,5 bal gazandy. Öňdebaryjylaryň biri Pariždäki Guy Savoy boldy...

26.11.2025 13:14
8k+

Hytaýyň Şençžen şäherinde dünýäde iň uly üsti ýapyk dag lyža kurorty açyldy

Hytaýda dünýäde iň uly üsti ýapyk dag lyža kurorty bolan Huafa Snow World işläp başlady. Ol Şençžende ýerleşýär we 100 müň inedördül metr meýdany tutýan emeli garly toplumdyr (bu takmynan 11 futbol meýdançasyna barabardyr)...

26.11.2025 10:11
3.7k+

Baryp görmeli 31 köçe: Time Out olaryň reýtingini düzdi

Time Out žurnaly iýmiti, dynç alşy we atmosferany göz öňünde tutup, ýerli redaktorlaryň we bilermenleriň saýlamagynda dürli ýurtlardan iň gowy 31 köçäniň reýtingini hödürledi. Sanaw neşiriň saýtynda elýeterli. Awtorlar reýtingdäki köçeleriň öz şäherleriniň häsiýetini we şähdini görkezýändigini belleýär...